Արարատ Միրզոյանը 29 միլիոն դրամ արժողությամբ կահույքի հավաքածու չի գնել. ԱԳՆ մամուլի քարտուղար

 Արարատ Միրզոյանը 29 միլիոն դրամ արժողությամբ կահույքի հավաքածու չի գնել. ԱԳՆ մամուլի քարտուղար

ՀՀ ԱԳՆ մամուլի քարտուղար Վահան Հունանյանը հերքել է օրեր առաջ մամուլում շրջանառվող լուրերը, որոնց համաձայն՝ իբր ՀՀ արտաքին գործերի նախարարը 29 միլիոն դրամ արժողությամբ կահույքի հավաքածու է գնել:

«Ապառիկով ապրող Արարատ Միրզոյանը միլիոնատե՞ր է դարձել. ինչ բրենդից է օգտվում ԱԳ նախարարը» վերտառությամբ հոդվածում իբրև տեղեկատվություն ներկայացված սուտը և անճշտություններն ամբողջովին զրպարտություն են, զուրկ տարրական էթիկայից և ոտնահարում են անձնական տվյալների պաշտպանության իրավունքը։

Այսպես՝ Արարատ Միրզոյանը և իր տիկինը «ՉԻ» կայքի՝ «Ապառիկով ապրող Արարատ Միրզոյանը միլիոնատե՞ր է դարձել. ինչ բրենդից է օգտվում ԱԳ նախարարը» վերնագրով հրապարակման մեջ նշված վայրից և նշված կամ դրան մոտ արժեքով կահույքի հավաքածու երբևէ չեն գնել։

Տարակուսանքի տեղիք է տալիս նաև հրապարակման վերնագիրը, որը բացի Արարատ Միրզոյանի պատիվն ու արժանապատվությունը նսեմացնելու մտադրությունից՝ միաժամանակ վիրավորում է նաև վարկային միջոցներից օգտվող մեր համաքաղաքացիներին»:

Facebook Comments

ԱՅԼ ԼՈՒՐԵՐ

Explore All 10Web Premium Features,
Use Drag & Drop Editor Based on Elementor.