Սննդաբանը պատմել է, թե ինչ կլինի մի քանի օր միայն հատապտուղներ ուտելու դեպքում

 Սննդաբանը պատմել է, թե ինչ կլինի մի քանի օր միայն հատապտուղներ ուտելու դեպքում

Սննդաբան Օլգա Դեքերն իր Instagram-ում նախազգուշացրել է հատապտուղների վրա հիմնված դետոքս-սննդակարգերի վտանգների մասին:

Մասնագետն արձագանքել է սննդաբանների և առողջ ապրելակերպի բլոգերների հրապարակումներին, ովքեր խորհուրդ են տալիս օրական հինգ անգամ ուտել 250 գրամ տարբեր հատապտուղներ և խմել առնվազն ութ բաժակ ջուր`կոճապղպեղի, լայմի կամ կիտրոնի հավելումով։

Ըստ Դեքերի` դրանից հետո մարդն էներգիայի մեծ ալիք կզգա, բայց օրգանիզմը տոքսիններից վստահաբար չի մաքրվի:

«Այս դեպքում դուք կլիցքավորվեք վիտամիններով և բջջանյութով: Բայց բացասական կողմերն ավելի շատ են. նախևառաջ, սննդակարգը պարունակում է միայն ածխաջրեր` առանց ճարպերի և սպիտակուցների, որոնք անհրաժեշտ են բջիջների կառուցման համար: Երկրորդը` մրգերի և հատապտուղների մեջ շատ շաքար կա:

Օրական չափաբաժինը չպետք է գերազանցի 30 գրամը։ Երրորդ` մեծ քանակությամբ հատապտուղները ծանրաբեռնվածություն կստեղծեն աղեստամոքսային համակարգի վրա, այդ պատճառով, ենթաստամոքսային գեղձը կարող է ի վիճակի չլինել հաղթահարելու բջջանյութի այդպիսի քանակություն»,- նախազգուշացրել է մասնագետը:

Դեքերը հավելել է, որ հատապտղային սննդակարգն օրգանիզմում սթրես է առաջացնում, դանդաղեցնում է նիհարելու գործընթացը և նվազեցնում մկանային զանգվածը:

Facebook Comments

ԱՅԼ ԼՈՒՐԵՐ