Էրդողանի խոսնակը հաստատել է Քոչարյանի խոսքերը՝ ղարաբաղյան հարցի վերաբերյալ

 Էրդողանի խոսնակը հաստատել է Քոչարյանի խոսքերը՝ ղարաբաղյան հարցի վերաբերյալ

Zham.am-ը գրում է․

«Այս օրերին Թուրքիայի նախագահ Ռեջեփ Թայիփ Էրդողանի մամուլի քարտուղար Իբրահիմ Քալըմը գտնվում է Ամերիկայի Միացյալ Նահանգներում, նրա այցի հիմնական նպատակն է համոզել ամերիկյան քաղաքական էլիտայի ներկայացուցիչներին, որ Միացյալ Նահանգները, որպես ԵԱՀԿ Մինսկի խմբի համանախագահ, վերանայեն ղարաբաղյան հիմնախնդրի լուծման իրենց մոտեցումները։

Քալըմի այս առաջարկը հիմնված է այն մտքի վրա, որ Թուրքիան Փաշինյանի հետ արդեն ընդհանուր հայտարարի են եկել, որ Փաշինյանը կհրաժարվի Ղարաբաղի հարցում նախկին իշխանությունների դիրքորոշումից ու մոտեցումից, ինչի դիմաց Թուրքիան կհամաձայնի բացել սահմանները Հայաստանի հետ և ընդհանրապես, կօգնի հասնելու նրան, որ Հայաստանը դուրս բերվի Ռուսաստանի ազդեցության գոտուց։

Այսինքն՝ Էրդողանի մամուլի քարտուղարը փաստացի հաստատում է Ռոբերտ Քոչարյանի ասուլիսի ժամանակ հնչեցրած այն միտքը, որ Նիկոլ Փաշինյանն ընդունել է Թուրքիայի բոլոր նախապայմանները, առաջին հերթին՝ Ղարաբաղի հարցում։

Փաստորեն, կարելի է ասել, որ Ղարաբաղյան շարժման մեկնարկից 30 տարի անց Հայաստանում իշխանության բերեցին մի մարդու, ով կարողացավ ջնջել այն բոլոր ձեռքբերումները, որ ունեցել է հայ ժողովուրդը անցած 30 տարիների ընթացքում։ Սա ամոթալի է ողջ հայ ժողովրդի և Հայաստանի ողջ քաղաքական էլիտայի համար՝ առանց բացառության։

Սա՛ է իրականությունը»։

zham.am

Facebook Comments

ԱՅԼ ԼՈՒՐԵՐ